منتدى عآئلـة آليوســف
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى عآئلـة آليوســف

.. منتــدى متنوع ..
 
الرئيسيةأحدث الصورالتسجيلدخول

 

 اشعار حمد السعيد

اذهب الى الأسفل 
2 مشترك
كاتب الموضوعرسالة
no boudy like me.afa
مشرفة عزف آلقوآفي
مشرفة عزف آلقوآفي
no boudy like me.afa


آلمشآركآت : 458
النقاط : 5932
سمعتي : 1
عمري : 29
سجلت في : 20/07/2009
ميلادي : 28/04/1994
آلعمل\آلدرآسه : طالبه
مدينتي : الدمـــــــــــــــــــــــــــــــــــــــام
النادي المفضل : النصروالهلال والاتحاد
الثور
انثى
المزاج : اشعار حمد السعيد Im-cool
هوايتي : اشعار حمد السعيد Writin10
sms & mms : إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال



اشعار حمد السعيد Empty
مُساهمةموضوع: اشعار حمد السعيد   اشعار حمد السعيد I_icon_minitimeالثلاثاء أغسطس 04, 2009 4:41 am

منقوووول
ماهو بكيفك


ماهو بكيفك تواصلني تقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره





قصيده رائعه سمعتها واعجبتني جدا وكتبتها لكم
للشاعر الكويتي / حمد السعيد

والله انى كنت ألوم اللى يضيق أن غاب خله
لين جربت المحبه والفراق وقلت توبه
لعنبو جد المفارق فيه هم وفيه ذله
أثر كل الحب لذه والفراق أكبر عيوبه
امس فارقت الغلا ومفارق الخلان عله
والعلاج الوصل لا تبلش طبيب ولا حبوبه
الزعل هو سبه الفرقا يهز الحب كله
ليتنى طولت بالى قبل لا يعلن غروبه
وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه
عارفً قدره.. وقدر اللى يحبه فى محله
ذاك نفسه لا حشا ماهى على الحب مغصوبه
ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه
لا وربى.. كنت أحبه حيل مادورت زله
لا تشكك فى غلاه ولا تساعد فى هروبه
لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه
وأثر كلن فى حياته له تجارب مستقله
وانت لا تشره على مثلى وتبلا لك بحوبه
كان جابتك.. الحميه روح له تكفى وقله
لا يخلينى واذا وده يخفف من ذنوبه
يستخير وله غلا قلب صدوق مايمله
فدوة له كل قلبي من شماله لى جنوبه
يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه
لا تقهوى بارده من برد فنجاله وزله
ثم قربها على جال الجمر وأرهى شبوبه
وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه
لا طرى جريت ونه من بلاده مستحله
مثل ماراحت بلادى مع شعارات العروبه
كل هاجوس يجيبه جعل شعرى فدوة له
وأعذابى كل ماجبت لى الجبله هبوبه
مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه
ماسمعت ان الخوي له بالخوي تسعين زله
وانت طوف زلتى ياعل تفداك اللعوبه
صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه
ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

قصيده للشاعر الكبير (( حمد السعيد )) إعجبتني ونقلتها لكم ..


،، مجنون زعلاتك ،،





تزعل واراضيك واتلذذ بتزعيلك

تبي الصراحه انا مجنون زعلاتك


لاقمت تبعد وانا اقرب وادنيلك

وامسك طرف غترتي وامش دمعاتك


وتبدي تعاتب وانا كل انتبااهي لك

ما اسمعك شتقول انا عيني على شفاتك


وتعيد حجيك وتفرك حيل منديلك

وتخالطت صادق حروفك بوناتك


واحاول ارضيك ومدري منين ابديلك

واحتار واذكرك في بعض زلاتك


واسمعك ماكتبته بك واغنيلك

طاروقك اللي تحبه واكسر سكاتك


واستسمحك واعذرك واسمعك واشكيلك

واتلهف لبسمتك ورد ضحكاتك


يسرقني الوقت ولا يمديني احجيلك

كلام اللي تحفظته لشوفاتك


وقت الوعد فات وعيوني تراعيلك

وقفيت واشغلت القلب بلتفاتك


عيني على خطوتك والقلب يدعيلك

الله يحفظك من الحاسد وشماتك


تزعل واراضيك واتلذذ بتزعيلك

تبي الصراحه انا اعشق كل حالاتك
الرجوع الى أعلى الصفحة اذهب الى الأسفل
no boudy like me.afa
مشرفة عزف آلقوآفي
مشرفة عزف آلقوآفي
no boudy like me.afa


آلمشآركآت : 458
النقاط : 5932
سمعتي : 1
عمري : 29
سجلت في : 20/07/2009
ميلادي : 28/04/1994
آلعمل\آلدرآسه : طالبه
مدينتي : الدمـــــــــــــــــــــــــــــــــــــــام
النادي المفضل : النصروالهلال والاتحاد
الثور
انثى
المزاج : اشعار حمد السعيد Im-cool
هوايتي : اشعار حمد السعيد Writin10
sms & mms : إحساس ما حسيت فيه بحياتي
ولا طرالي مثل هذا على البال
كلمني أكثر عنك واترك سكاتي
بتأملك وأتخيلك أجمل آمال
أنت الهنا وأنت العنى وأمنياتي
ويازين هالصدفة على كل الأحوال
لقيت فيك أنت قربي لذاتي
تقرب لقلبي بالنوايا والأفعال
ماضيك يشبه بالألم ذكرياتي
والحين نفس الحظ والجرح والفال
طبايعك طبق الأصل من صفاتي
أهم شي الصدق فيني ولا يزال
أمشي ولا أدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال
أنا بقلبي شي وش السواتي
ودي أقوله بس شلون ينقال
الحب ما يستأذنك يا حياتي
يلحق على راعيه بالصبر لوطال



اشعار حمد السعيد Empty
مُساهمةموضوع: رد: اشعار حمد السعيد   اشعار حمد السعيد I_icon_minitimeالثلاثاء أغسطس 04, 2009 4:42 am

ضحكت الورع




يا ضحكت الورع مدري وين شايفها
ان كان ماني متوهم ضحكت فلانه

قمازته وشفته تشبه شفايفها
وعيونه عيونها يضحك ونعسانه

والله يا ضحكته عجز اطوفها
اللي شغلني معه من جملة اخوانه

وقفت والنفس مابدت حسايفها
ضيعت وقتي غصب كله على شانه

انشده والبشر تتبع ولايفها
يلعب طرب بالملاهي بين ورعانه

صديت والعين ماتنسى وصايفها
هذيك نفسي عليها حيل شفقانه

وا نفس ياللي تحلفني واحلفها
حاولت اشكك وهي ماهيب غلطانه

تقول هل الورع والله من خلايفها
واقول ربي يخلق اشباه سبحانه

هذيك راحة وانا ماني بعايفها
حكم المقدر وكلن راح في شانه

خبريبها يوم جاها من طويفها
الي خذاها ويتبع سلم جدانه

ماشافته ولاهو ماهو بعارفها
ماشاورها ابد ما كنها انسانه

راحت وانا بشقى كني مناصفها
يا مل قلبن شكى همه وحرمانه

لليوم قلبي يرددلي سوالفها
هذيك نفسي عليها حيل شفقانه



بعض العلاقات



بعض العلاقات ما منها ابد فكه
يا شينها كان جبتها لك القدره

لاجاك دمه ثقيل ومنطقه سكه
يضيق صدرك وهو مستاسع صدره

لاصرت ضيق الصدر بالي معك صكه
لاتجامل الي غييث وشفته ودره

زك الخوي من قبل لا تعاشره زكه
ترى خوي النشاما صابته ندره

وقت الشدايد اذا بتجربه ضكه
يمد شوفه وتلقى فزعته حدره

الاجودي اجودي ما تلحقه شكه
وفرخ النخل ما يجي في قاعدة سدره

من رافق اجرب تبي تبدابه الحكه
والطير سلم عليه ان صابته جدره

باب يجيب الهواء ان طعتني صكه
ارقى الرفاع وتجنب كل من حدره

ما يبخص شعاب مكه الا اهل مكه
الصاحب انشد وتلقى عندهم قدره

كل القلوب بهل وقت مندكه
سبت كدرهم خوي حاشهم غدره
ياللي غيابك طال





ياللي غيابك طال وبحقي اخطيت
هذا شهر ما اشوف للوصل نية

هن كانت اسبوعين لكن تماديت
في غيبتك كنك تنفذ وصية

لعبت باعصابي ولا قلت مليت
لا راح اقول باكر مجية

عانيت بغيبتك انا حيل عانيت
يابغضني للبعد يا رحم حيه

عقبك مشاويري من البيت لليت
اخاف لا دقيت ماني هنيه

الله ياني في غيابك تحريت
اثر المفارق صعب ماهو شويه

هذا شهر وش عاد لو انك ابطيت
والله لتلقى لك هنيا ضحية

البارحة مابين يمكن ويا ليت
وابليس يتركني ويرجع عليه

فكرت لو طول غيابك ولاجيت
يعني كذا روحه ومن غير جيه

خانتني الدمعة وطاحت وصديت
ملعون ابو التفكير يذبح خوية

بسيطه



بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله

أنت يعنى لانويت تغيب باقف عند بابك
لاوربى تاقف الدنيا وأنا " تأبى الرجوله "

ماتعودت اتبع المقفى ولو حضرت جنابك
رح عساها خيرة والدرب لك عرضه وطوله

روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله

ماأنت بأول من طعن هالقلب والدرب انتهابك
ياثقل خطواتك البارح وهالليله عجوله

باغى الفرقا !!جعل ربى يعجل فى ذهابك
بايع قلب لك الله كنت ماتحلم تطوله

من يلومك..؟ شايف حالك وف.. بداية شبابك
طاغى تجرح قلوب الناس تحسبها بطوله

بسألك: كم واحد قبلى هقابك واشتقى بك؟
أنت ياللى نظرة عيونك قبل عرفك خجوله

ياكثر ماكانت ظنونى دخيل الله تهابك
بس اكذبها واقول اوهام والقلب وميوله

اثرك اللى تستلذ ان ذاقوا العالم عذابك؟
مشكله !! والمشكله هذى بسيطه ومحلوله

كان مالبستك الغيره مثل لبست ثيابك
قل عوافى.. قل مثل غيره تركته وبسهوله

واجد اللى مشتهين الوصل والخط متشابك
كان لك جوله ترى محاكيك له تسعين جوله

لابغيت تغيب فارق لاوربى مادرابك
شاعر ياكثر ماتل القلوب وصفقوا له

لاهلا بك فى حضورك .. فى غيابك لاهلا بك
رح مهف امقيط يوم مقيط ودنه رجوله

باكر ان ماشفت غيرك جا يعوضنى غيابك
قل حكى شعار ماتفعل ربع هاللى تقوله
الرجوع الى أعلى الصفحة اذهب الى الأسفل
بنوته كول
عضو ذهبي
عضو ذهبي
بنوته كول


آلمشآركآت : 338
النقاط : 5759
سمعتي : 0
عمري : 28
سجلت في : 22/07/2009
ميلادي : 05/10/1995
آلعمل\آلدرآسه : طااااااالبه
مدينتي : الدمــــــــــــــــــام
النادي المفضل : الهـــــــــــــــــــــــــــــلال
الميزان
انثى
المزاج : اشعار حمد السعيد 7btain
هوايتي : اشعار حمد السعيد Unknow11
sms & mms : لا ... لاتلوم القلب يوم إنه اغلاك
وش حيلتي مدام قلبي عصاني
غصب علي قلبي يوديني هناك
جيت اشتكي لك من عذاب الزماني
ياروح روحي وش حياتي بلياك
لاشفت زولك ارتبك في مكاني


اشعار حمد السعيد Empty
مُساهمةموضوع: رد: اشعار حمد السعيد   اشعار حمد السعيد I_icon_minitimeالثلاثاء أغسطس 04, 2009 6:36 am


كلمات عذبه وبوح جميل

ننتظر القااادم بشووق

ودي وتقديري


تحياتي بنوته كول
الرجوع الى أعلى الصفحة اذهب الى الأسفل
 
اشعار حمد السعيد
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتدى عآئلـة آليوســف :: ––––•(-•.·:*:·. الاقسام الأدبية .·:*:·. •-)•–––– :: عــــــــــــزف القــــوافي-
انتقل الى: