قصيدة عروس ..: خالد المريخي

ودي أدرس ولكن وين أنا والدروس
من تذكرك ينسى درسه اللي درس


أدخل الصف ما كني بضمن الجلوس
وأكثر اللي بصفي شكوا أني خرس


حسيت أنا دفتري من ضيقة الخلق حوس
من كثر ما رسمت قلوب حب أنترس


وأذكر إني مره غارق بالهجوس
وأسمع اللي بجنبي قال : قوم أحترس


المدرس سألني جاب صورة عروس
قال : هاذي وشنهي ؟! قلت: صورة فرس


ما أحسب أني بوسط المدرسه والدروس
أحسب أني بجنبك لين دق الجرس


>><<>><<>><<>><<>><<>><<>><<>><<